ما هو IP TV

ما هو IP TV

ماهو (IP TV) أو تلفزيون الأي بي أو تلفزيون بروتوكول الإنترنت هو نظام قائم على توفير خدمة بث تلفزيوني رقمية باستخدام بروتوكول الإنترنت (IP) عبر شبكات الكمبيوتر.

Satellite Stream

والتي كثيراً ما تعمل باستخدام خطوط انترنت نطاق عريض (broadband).

وبشكل عام فإن الفرق الأساسي بين نظام أي بي تي في ونظم التلفزيون التقليدية هو استخدام شبكات الحاسوب بدل طرق البث التقليدية لإيصال المادة المرئية للمشاهد.

نظام أي بي تي في مختلف عن نظام تلفزيون الإنترنت حيث أن الأول تستخدم فيه شبكات خاصة منفصلة (مثل الشبكات المحلية LANS) في حين أن تلفزيون الإنترنت يعمل على شبكة الإنترنت.

تابع ايضا :تعرف علي ما هو Load Balancing ما هي فوائده

ماهو الـ nat وما هي انواعه واهم المصطلحات الخاصه به

تعرف علي ماهو الفرق بين كل من بروتكول https – http

كثيراً ما يتم تقديم خدمة أي بي تي في لتوفير خدمة الفيديو حسب الطلب (Video on Demand) وذلك بالترافق مع خدمة الصوت عبر الإنترنت (VoIP) 

ومع القدرة على الوصول إلى الإنترنت وذلك فيما يعرف بمصطلح اللعب الثلاثي (triple play).

مقالة النهاردة هنتكلم عن أي بي تي في بصيغة مفصلة و مبسطة  بحيث إللي عنده معلومات بالشبكات أو إللي مش عنده يقدر يتعامل يفهمها بشكل كويس .

ببساطة .. لو إنت عايز تتفرج على فيديو مدته مثلا 5 دقايق .

تقدر تتفرج عليه بطريقة من إتنين:

1-إما عن طريق Satellite Stream

منظومة ال Satellite Stream بتعتمد على وجود 3 عناصر رئيسية  و بالبلدي كده هما (طبق الدِش/الريسيفر/ال LNB"

ال LNB بيستقبل الإشارات من ال Satellite (القمر الصناعي) و يحولها على جهاز ال Receiver و جهاز ال Receiver يطلعهالك على شاشة ال TV في صورة الفيديو او البرنامج إللي إنت بتتفرج عليه.

2-إما عن طريق Internet Stream

منظومة ال Internet Stream بتعتمد على وجود 3 عناصر رئيسية برضه .. و هم (الراوتر/إشتراك إنترنت/جهاز كمبيوتر"أو موبايل")

و تقدر عن طريق ال Internet تتفرج على أي محتوى سواء المحتوى ده مسجل .

(مثلا بتتفرج على فيديوهات يوتيوب أو أفلام على مواقع أفلام زي ..... و هكذا)
أو سواء المحتوى ده مباشر .

زي مثلا لما تتفرج على ماتش زي بتاع إمبارح (مانشستر سيتي و مانشستر يونايتد)  على مواقع بث المباريات "طبعا لو ممعكش إشتراك Bein"

اذاً ما هو IP TV

ال IP TV Stream بقى ضيفه على ال List إللي فاتت .

و إعتبره منظومة مستقلة بنفسها 

طب إزاي بيشتغل ؟!

بص يا سيدي .. هو بيعتمد على عنصرين رئيسين (و ركز و خلي بالك معايا):

1-IP TV Server

وده يا معلم عبارة عن سيرفر .. فيه شخص ما موصل السيرفر ده بقناة معينة 

سواء بمنظومة ال Satellite Stream او Internet Stream .

و راح مسطب برنامج إعادة بث على السيرفر زي مثلا OBS و بيعمل إعادة بث للقناة ديه عالإنترنت

2-IPTV Client

الراجل بتاع السيرفر ممكن يدي لينك لل IPTV Client (إللي هو المشترك في الخدمة زي حالاتي و زي حالاتك)  و بنفتح اللينك ده ببرامج معينة زي ببساطة FLV 

ملحوظات هامة: تعرف علي ماهو iptv

1-ظهر في السوق بقى ريسيفرات IP TV و متسطب عليها برامج IPTV Client زي مثلا XstreamIPTV و تقدر بقى سيادتك تشترك مع أي شركة IP TV و كل ما عليك إلا إنك تعمل 3 خطوات عشان تشغل القنوات عندك عبر الإنترنت:

أولا: توصل الريسيفر بالإنترنت (حسب الريسيفر ممكن يتوصل Wireless او Wired)

ثانيا: تدخل معلومات الأكاونت إللي إنت بتشتريه من الشركة و عبارة عن 3 حاجات "بتدخلهم في الريسيفر"

URL / Username / Password

ثالثا: بتعمل Download لقائمة القنوات إللي إنت مشتريها من الشركة و بتتفرج بقى عادي

2-طبعا الموضوع ده فتح باب إعادة بث العديد من القنوات المشفرة , زي مثلا Bein و OSN و Skysports و ART .

و للأسف الشركات مش قادرة تتعامل مع الجزئية ديه لأن ببساطة .. الموضوع تقنيا (خارج عن السيطرة) و ملوش حلول لحد الآن "فعااالة"

3-حد سمع عن شاشات تليفزيون من سامسونج و LG و يقولك عليها Smart TV ?!

أهي ال Smart TVs ديه أصلا مصممة ك Software إنها تتعامل مع ال IP TV و تقدر بيها تشترك في خدمة ال IP TV من غير ما تجيبلها ريسيفر مخصص :D

4-ال IP TV تقنية مميزة جدا جدا .. لأسباب كتير وهي:

-جودة القنوات عليه عادة عليه بتبقى أعلى من ال Satellite Stream .. فشركات ال IP TV عندها برمجيات خاصة بتقوم بزيادة جودة الإرسال و صورة القناة و صوتها

-ال IP TV مش بيستهلك إنترنت كبير لأان ال Packets بتاعت ال Stream بتبقى Compressed

-ال IP TV مش بيحتاج سرعة عالية .. يكفي إني أقولك عشان تستلم جودة Blu-Ray عن طريق IP TV .

هتحتاج إنترنت سرعته متقلش عن 4 ميجا "و طبعا أجهزة ال IP TV أغلبها بيدعم خاصية ال Buffering بحيث لو حصل تقطيع لثواني معدودة في الإرسال .

مش بتحس بيه لأن جهاز الإستقبال بيكون مخزن Data ب Future Time عشان يقدر يعوضك بيها لحد ما يرجعله الإرسال مرة اخرى"