شرح برنامج Xampp لعمل جهازك سيرفر وتركيب مدونة wordpress

اليوم بأذن الله هنشرح السيرفر المحلي Xampp والذي من خلالة يتم تحويل جهاز الكمبيوتر الخاص بك الي سيرفر يتيح لك تجربة اعمالك البرمجية او التصاميم الخاصة بك.

تابع ايضا : اعدادات سيرفر apache وطريقة عمل موقع شخصي علي جهاز الكمبيوتر

تنصيب الوردبريس علي سيرفر Apache

وظيفة البرنامج : يجعل جهازك سيرفر من خلاله تقدر تجرب تعمل موقع تعمل تنصيب لجميع اصدارات المدونات سواء Wordpress, Drupal, Joomla او صفحات html او اي صفحات.

او انشاء دي جي شات او اي دردشة وتقدر فيما بعد تخلي اصدقائك يدخلو عليها من خلال الـ ip الخاص بيك بالاضافة انك تقدر تجرب عليه قواعد البينات التي قمت بأنشائها بنفسك .
وعشان كده هنشرح ليكم طريقة تنصيب البرنامج وطريقة تثبيت سكربت الووردبريس.

جهازك سيرفر وتركيب مدونة wordpress

توكل علي الله وقم بتحميل البرنامج من الرابط التالي : اضغط هنـــــ هتلاقي اصدر 32 bit واصدر 64 bit قم بتحميل الاصدار المناسب لجهازك .
ولو مش عارف اصدار النسخة الموجوده في جهازك تقدر تشوف الصورة التاليه او تضغط كليك يمين علي Computer وبعد كده properties

اضغط علي الصورة لكى تظهر معك بشكل اوضح

الان بعد ان قمت بتحميل النسخة المناسبة لجهازك نأتي لمرحلة تنصيب البرنامج
توكل علي الله وقم بالضغط علي ايقون البرنامج كما تشاهد في الصورة التالية :

قم بالضغط علي Yes

بعد كده نضغط علي Next.

ثم Next.

قم بأختيار مكان تنصيب البرنامج وافضل انوا يكون في مكان اخر غير برطيشن C عشان متفقدش بيناتك في حال سقوط نسخة الوندوز ثم بعد ذلك اضغط علي Next.

Next.

ثم مرة اخري Next.

وانتظر حتي يتم التنصيب

جاري التنصيب.

واخيرا يامحترم اضغط علي Finish.

اختار اللغه الانجليزية ويرمز لها بالعلم الامريكي ثم Save.

تم تنصيب البرنامج.

كيفية استخدام برنامج Xampp

هنشغل فقط الحجات اللي حضرتك هتستخدمها وبما انك راجل مبتداءئ هتشغل فقط Apache ثم MySQL وعشان تشغلهم كل ما عليك هتضغط علي Start كما تشاهد في الصورة التالية.

طالما ظهر ليك علامة خضراء علي Apache و MySQL يبق شغالين وتمام التمام.

تمام واحد هيسأل سؤال جميل يقول ياعم الحاج احنا عملنا تنصيب للبرنامج ومعايا سكربت او صفحة html وعايز اجربها اعمل ايه واحط الملفات بتعتي فين ؟
تكون الاجابة ها كذا.

ادخل يامحترم علي مكان تنصيب البرنامج سواء كنت مسطبة علي الـ C او D وبعد كده اضغط علي xampp بعد كده هتلاقي مجلد اسمة htdocs ضع ملفاتك بداخله.

هييجي نفس الشخص يسأل ياعم الحاج انا قمت بنسخ االاسكربت او المجلة او الموقع اللي انا مصممه بلغة html داخل المجلد ده htdocs ازاي اخليها تظهر في المتصفح واشفها.

واعرف التصميم كويس ولا لا ولا البرمجه تمام ولا فيها مشاكل اعمل ايه.

هؤله يامحترم امامك خياري اما كتابة http://localhost في المتصفح او كتابة http://127.0.0.1 واضافة / ثم اسم المجلد اللي حضرتك نسخته داخل المجلد ده htdocs.

مثال بسيط لو المجلد اللي انا نقلته داخل المجلد ده htdocs اسمة egpr هيكون الرابط بتاعي http://localhost/egpr طيب لو اللي انا نقلته صفحه هتكون حسبب لغة الصفحه هل هي html او php يعني هيكون الرابط http://localhost/egpr.html او http://localhost/egpr.php

وان شاء الله تكون الخطوة دي واضحه واي سؤال من فضلك ضعه في التعليقات.