الدرس الثاني : ضبط أعدادات سيرفر المايكروتك mikrotik

ضبط أعدادات سيرفر المايكروتك mikrotik

الدرس الثاني : بعد ان انتهينا في الدرس الاول من تنصيب المايكروتك نقوم الآن بشرح طريقة التحكم والاعدادات بالمايكروتك من خلال الـ WINBOX.

 
 

لمشاهدة الدرس الاول اضغط هنا
يوجد طريقتين لضبط واعداد المايكروتك الطريقة الاولي من خلال الاوامر وهي الاصعب وتكون من خلال الاوامر ونقوم بكتابة الامر setup ونستخدم سطرالاوامر.

الطريقة الاسهل والافضل قم بتحميل الـ WINBOX من الرابط التالي : EgPr.NeT

دلوقتى هنوصل الكابلات الخاصه بالإنترنت للسيرفر بمعني اننا عندنا كارتين lan في السيرفر

الدخول لأعدادات سيرفر المايكروتك

الاول هيكون كابل جاي من الرواتر للسيرفر
الثاني هيكون كابل خارج من كارت اللان رايح للسويتش اللي عليه المشتركين وفي نفس الوقت هيكون عليه الجهاز اللي احنا هنظبط عليه السيرفر
معلومه ماينفعش اننا نوصل كارت اللان التاني بالجهاز اللي هنظبط من عليه السيرفر مباشر لأن ترتيب الألوان الخاصه بالكابل بتبقي مختلفه لازم يمر على سيوتش كما تشاهد في الرسم البياني التالي :

mikrotik
 

بعد كده من خلال الجهاز اللي تم توصيله بالسيرفر نقوم بفتح برنامج WINBOX

winbox

ونكتب اليوزر admin فقط ونختار الماك ادرس من خلال الضغط علي العلامة الصغيره كما تشاهد

ملحوظة : MAC ADDRESS

السيريال الخاص بكارت اللان الموصوله الأن بالمايكرويتك

IP ADDRESS

ده الأي بي الخاص بسيرفر المايكروتيك وطبعاً عندك هيكون مكتوب 0.0.0.0 وده طبيعى لأنك لسه مظبطش الإعدادات أما هنا في الصوره هيكون مختلف لأني ظابط إعداداتي

يلا بقى نضغط على الماك أدريس اللى ظهرلنا هنلاقيه بقى مكتوب فى المربع اللى كان فارغ !

طبعا LOGIN هيبقي مكتوب فيها admin و PASSWORD هتكون فارغه لاننا معلمناش باسورد للسيرفر

نضغط CONNECT عشان ندخل هتظهرلنا واجهة الوين بوكس الخاصه بالسيرفر وهتكون بالشكل ده

 

وبأذن الله هيفتح معاك الميكروتك كما تشاهد في الصوره التاليه :

نضغط كليك يمين في الواجهه من فوق ونضغط علي

ADD CPU عشان تعرفنا احنا مستغليين قد ايه من البروسيسور

ADD MEMORY عشان تعرفنا احنا مستغليين قد ايه من الرامات

ADD UPTIME عشان تعرفنا المده اللي احنا بدأنا نفتح فيها المايكروتيك

كما تشاهد في الصوره التاليه :

 

تابع

ضبط أعدادات wan,lan في الميكروتك

بعد كده طريقة ضبط الاعدادت يعني لازم اللي متابع الشرح يركز معايا هنختار INTEFACES
 

من القائمه الرئيسية لواجهة الوين بوكس عشان نغير أسماء كل كارت بحيث ان
الأول هيبقي
WAN وده هيبقي الكارت اللي متوصل فيه الكابل اللي جاي من الراوتر
الثاني هيبقي
LAN وده هيبقي الكارت اللي متوصل فيه الكابل اللي خارج من السيرفر للسويتش
كما تشاهد في الصوره التاليه :

بعد الانتهاء من تعديل الكارتين :

بعد كده نضغط علي IP ثم ADDRESSES إخنار علامة + لإضافة الـ IP
كارت lan : 192.168.0.1/24

كارت wan : 192.168.1.2/24
من فضلك اهتم بالخطوة التاليه :

وصف المربع اللى حضرتك فتحته عشان تضيف فيه الـ ip
address : هتكتب فيه الـ ip وبعد علامه / هتكتب النتـ ـ ماسك
معلومه لازم نكتب
ip في رينج الراوتر يعني لو ip الرواتر 192.168.1.1 يبقي اي بي الـ wan هيكون من 192.168.1.2 الي 192.168.1.255 اختار اي رقم في الرينج ده مع العلم فى ناس فاهمه إن ip ال wan هو ip الراوتر يعني نكتب 192.168.1.1 وده غلط هيحصل conflict والنت مش هيشتغل .
network : هتكتب فيها بداية الأيبيهات .
broadcast : هتكتب فيها نهاية الأيبيهات .
interface : هنا هتحدد إن اللى حضرتك كتبته ده يخص أنهى كارت .

بعد كده IP ثم ROUTES ثم علامة + لإضافة الـ gateway

gateway : 192.168.1.1

بعد ما تكتبه وتقوله ok هتلاقى إتضاف فى القائمه وقال ان الإنترفيس الخاص به هو الـ wan يبقي انت كده تمام وماشى صح .

لو خطواتك صح هيظهر كما تشاهد في الصوره التاليه :

 

اما لو كتب حاجه تانى او ظهر فى القائمه باللون الأزرق يبقي كدا في حاجه غلط ولازم تراجع تاني الخطوات .
تابع الدرس الثالث اضغط هنا